كنوز ميديا / ثقافة وفن
٩ نيسان
صدام … حبيب الملاعين
لو كنتَ شابّاً في الثمانينات كنت حتماً ستتعرض لها لا محالة :
1. قتيل حرب او معدوم سياسي
2ّ . اسير حرب او معتقل سياسي
3. مفقود حرب او محتجز سياسي
4. معوق مبتور الأطراف او جريح حرب .
5. جندي مكلف و نايم بموضع محفور بالحر والبرد و التراب فوگ راسك ويدك عليك النمساوي..
6.ينطوك امر هجوم وبيدك بندقية وبيها شاجورين وتعرف انت بعد مترجع لان كدامك دبابات .
7. انت من الجنوب و إسمك علي وعباس وعبد الزهرة وحسين يعني نقل بالساتر المتقدم ، انت من تكريت واسمك يزيد معاوية سفيان سطم سطام ريكان والخلفاء الثلاثة انت مكانك بالمقرات ببغداد لو بالخلفيات متسمع طلقة ..
8.القيادة مخلية وراك فرق اعدامات لأن انت خائن مجوسي صفوي عجمي شيعي حتى لو انت تحارب ايران ومخلي صورة صدام ببيتك .
9.الحرب ست اشهر وتطلع ثمن سنين الا شهر ونص تاكل كل عمرك ويموت بيها اما انت او أصدقائك واقاربك وجيرانك .
10.جثتك تبقه بأرض الحرام تتفسخ وتضل لحد 2018 ويطلعون القلادة يلكوك رفات واهلك ميدرون بيك ..
11. اسمك طالب شارد من العسكرية حتى ما يسحبوك للموت ورى متتخرج حتى لو طبيب او مهندس ويسحلوك للجبهة من الياخة .
12.مبطل من الدراسة ومنتظر يسوقوك للجيش غصبا عنك وعن اهلك .
13. هارب فرار والحزب يلاحقك ويداهم بيت أهلك كل 72 ساعة ليلا وفجرا وظهرا ليعتقلك واذا اعتقلوك يعدموك بالملعب الاولمبي والناس تصفك غصبا عنها ورى ما يتم تصفيتك ..
14.متخلف عن الالتحاق وخاتل بيت بيبيتك متطلع 24 ساعة .
15. ياخذوك قاطع جيش شعبي و تتأسر بالفاو.
16 يستدعوك احتياط وانت ستوك متسرح .
17. تطلع للسعودية تجاوز تشتغل راعي صخول وغنم وبعران .
18.تنزل مجاز تلزمك 50 سيطرة تنزلك وتحقق وياك احتمال مزور وهارب .. حتى يعتقلوك .
19. منتظر تخدم 8 سنوات يالله تتسرح .
20. بالتسريح صدام يجيّت على الكويت ويمددون خدمتك .
21. ( حتى يترقى من نصير متقدم إلى عضو عامل ) يكتب عليك حزبي تقرير انت سبيت السيد الرئيس القائد همسا ويعتقلوك بالأمن .
22. ياخذوك تشتغل سخرة مجهود حربي ومينطوك فلوس .
23. يفرغوك من وظيفتك وعدل و گبل للجبهة المحترقة ويستلم مكانك واحد مصري ويكلولك اذا تحجي ويا كأنك متجاوز على صدام
24.يصير هجوم بالقاطع مالتك و أهلك امك وابوك و اخوك و ميعرفون بيك ميت عدل متصوب يسافرون وراك للحدود ينتظرون خبرك يسألون بالجنود مثل المتهسترين تعرف فلان ابن فلان و يكررون السؤال 100 الف مرة .. حتى يعرفون بمصيرك .
25. ينتظرون الجثث 150او 200 جثة ويبحثون عنك ويتمنون ان لم تكن واحد مهم وتجد اقارب او جيران او ابن مدينتك صدفة مستشهد و أهله ميدرون بيه وانت تنقل الخبر الهم من ترجع لمدينتك .
26.تجي سيارة وحدة تاكسي كراون وعليها تابوت وتتوقف امام مقر البلدية أو يم بيت المختار و الأمن يسألون عن عنوان والكل تتمنى ان هاي السيارة ما تتوقف يم بابهم .
27.يجيبون جثة يسلموها لأهلك وانت اسير حرب وميعرفون بيك عدل .
28.تتأسر وترجع انت بعد 15 سنة بالاسر وتلكي زوجتك تزوجت واحد ثاني لأن انتظرتك 10 سنين و يأست من ان تاتي وطلبت ان تطلق غيابيا ..
29.تخلص الحرب براسك تدخلها شاب وتطلع شايب و تتسرّح ماكو اي شغل او عمل ..
30.تلتحق منا للمحرقة وبجيبك شهادت التخرج متعرف ترجع او لا وتشوف المصريين يفترون بالاسواق ومفتحين محلات ووظائف والمفروض هي مكانك .
31.ثلاثون فقط واكتفي بذلك القدر ومن يقرأ الثلاثون ياترى
كم انت جميل ايها الزمن ..
الثمانينات التي حقق الخليج بها طفرة ونحن تراجعنا نصف قرن الى الوراء ..
هل فاتني شيئ ؟ نعم فاتني الكثير الكثير جدا ثلاثون نقطة من اصل مليون ..
ثلاثون نقطة تشرح حالات كارثية في الثمانينات ..
كم عانينا ونعاني وسنعاني من اجل المعاناة حتى يخرج جيل جديد يعاني ..
هذه عشرية واحدة من حكم حبيب الملاعين
أمّا فترة الحصار فزمن لو كُتب في الروايات الاوربية لجعلوه فيلما من الخيال العلمي ، و الأّ كيف تصبح رؤية الموز حلم ، و قوطية البيبسي صوغة للمريض العزيز جدا ، و فرضوا على صحّة بغداد لازم كل يوم سبعين طفل رضيع يموتون حتى يستعرضون بيهم بشارع الرشيد بحجّة ضحايا الحصار ….
